دائماً ماكانت المقابلات الشخصية موضوع قلق لأي شخص عندما يذهب إليها. إذا كنت محاسباً ولديك مقابلة عمل سنضع لك أهم اسئلة المحاسبة فى المقابلات الشخصية
أهم اسئلة المحاسبة فى المقابلات الشخصية
(1) عرف الدورة المستندية وأعطي مثلا منها
؟؟؟الدورة المستندية : من أسمها كده نعرف إن هي بتتكلم عن حركة المستندات داخل الشركة . وكون ان هي دورة لان حركتها داخل أي منشأة تتابع دورة الفلوس والأموال داخل الشركةيعنى ايه الكلام دة :يعني أنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوس البيع علشان تبدأ تاني عملية اني أدفع فلوس وأشتري بضاعة …… وهكذاجميع المستندات التي تدل على إثبات جميع هذه الحركات تسمى بالدورة المستندية وهي عبارة عن
• عند دفع الفلوس يتم تحرير إيصال صرف نقدية معتمد من المدير المالي والمدير العام للشركة ويوقع مستلم الفلوس على الإيصال
• عند شراء بضاعة فهناك فاتورة مشتريات بقيمة هذه البضاعة وإذن إضافة بالمخازن لإثبات استلام البضاعة ووضعها داخل مخازن الشركة ومتنسوش التوقيع والاعتماد من مدير المشتريات والمدير العام
• عند بيع البضاعة هناك فاتورة مبيعات من الشركة للعميل وكمان إذن صرف من المخازن يثبت أن البضاعة تم صرفها والعميل وقع على أنه استلمها
• عند استلام فلوس من أحد العملاء أو من المبيعات النقدية يتم تحرير إيصال استلام نقدية ويوقع عليه أمين الخزينة
يمكن أت تقرأ : شروط فتح كوفى شوب 2020
(2) ما هو الحساب المدين من الدائن؟؟؟
* يعتبر هذا السؤال واحد من أهم اسئلة المحاسبة فى المقابلات الشخصية
جميع الحسابات الحقيقية مدينة *أما الحسابات الشخصية فهي مدينة لو أخذت ودائنة لو أعطت يعني بالبلدي لو واحد أخذ منك فلوس هيبقى طبعا مدين ، ولو واحد أعطاك فلوس هيبقى ايه ؟؟؟…. طبعا دائن * أما الحسابات الوهمية أو الأسمية *بالنسبة للمصروفات والخسائر والمشتريات كلها مدينة وبالنسبة للإيرادات والأرباح والمبيعات كلها دائنة
(3) ايه الفرق بين الميزانية والمركز المالي ؟؟؟
* يعتبر هذا السؤال واحد من أهم اسئلة المحاسبة فى المقابلات الشخصية
المركز المالي : هو قائمة توضح أصول وخصوم المنشأة … يعني حقوق والتزامات المنشأة … يعني ايه اللي للمنشأة وايه اللي عليها … في أي يوم في السنة يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي
(4) طب ايه هي الميزانية العمومية ؟؟؟
هي : مركز مالي ايه مركز مالي … يعني أصول وخصوم المنشأة … حقوق والتزمات المنشأةطب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية .
(5) ما الفرق بين الميزانية والموازنة ؟؟؟
الميزانية العمومية : هي زي ما قلنا عبارة عن قائمة توضح أصول وخصوم المنشأة … حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .يعنى أية ! يعنى ان الحسابات الختامية هي التى توضح مصروفات وإيرادات السنة اللى فاتت الفعلية لكن الميزانية توضح حقوق وإلتزامات المنشأة فى نهاية السنة .طب إية هي الموازنة ؟؟؟هي عبارة عن تقدير لإيرادات ومصروفات المنشأة للسنة القادمة أو لعدة سنوات قادمة .
(6) ما الفرق بين المصروفات الايرادية والمصروفات الرأسمالية ؟؟؟
* يعتبر هذا السؤال واحد من أهم اسئلة المحاسبة فى المقابلات الشخصية
أولا نحب نعرف ايه هو المصروف :هو عبارة عن نفقة يعنى فلوس اقوم بدفعها في سبيل الحصول على ايراديعني بادفع مثلا ايجار للمحل … ليه ؟؟ علشان أبيع منه واحصل على الايراد بادفع مثلا أجور ومرتبات للعاملين … ليه ؟؟ علشان ينتجوا واحصل على الايراد يبقى المصروف بادفعه في سبيل الحصول على الايرادالمصروف الايرادية : هو مصروف يحقق الايراد في نفس السنة الماليةالمصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأةيعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر
(7) ما الفرق بين المخصص والاحتياطي ؟؟؟
أولا : نحب نقول لكم على حاجة الأولأي منشأة صاحبها بيعملها علشان يكسب من ورائها أرباح يستفيد بيها …. وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله … حددنا في المحاسب جزء أو ( حساب بمعنى المحاسبين ) هو ده بس اللي يسحب منه …. لأن بعد كده هيبدأ يستهلك رأسماله في الشركة …. وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم …. وبالتالي هيعلن افلاسه علشان كده قلنا لازم نخلي حساب خاص للأرباح هو بس اللي يتسحب منه الفلوسيعني ممكن نعرف الأرباح : على أنها الزيادة في حقوق الملكية لأصحاب المنشأةوأيضا ممكن نعرف الخسائر : على أنها النقص في حقوق الملكية لأصحاب المنشأ’ة
(8) ما هو الحساب الذي لا يظهر ضمن ميزان المراجعة ؟؟؟
* يعتبر هذا السؤال واحد من أهم اسئلة المحاسبة فى المقابلات الشخصية
أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :تجميع الأحداث المالي – تسجيل الأحداث المالية في قيود يومية – تبويب الأحداث الماليه في حـ/ الأستاذ – تليخص اعمليات السابقة في ميزان المراجعة
(9) ما هو الحساب أو البند الذي لا يمر بكل هذه المراحل ؟؟؟
من أهم اسئلة المحاسبة فى المقابلات الشخصية
بضاعة آخر المدة …. لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة
(10) ما الفرق بين الكمبيالة والسند الاذني ؟؟؟
آخر سؤال لمعرفة ما هي أهم اسئلة المحاسبة فى المقابلات الشخصية.
أولا : الكمبيالة والسند الاذني بيطلق عليهما الأوراق التجارية … وهما وسيلة من وسائل الائتمان التجاري
